اختراع صايع جدا!

الاختراع ده ببساطة هو العدو الطبيعي للكاميرات

عبارة عن Projector بس مش بيشتغل غير لما يلقط فلاش كاميرا بتصور.

محتاج توضيح , نضرب مثال , دلوقتي شخص واقف بيصور الأهرامات مثلا , وتصادف وجود هذا الجهاز على الهرم , أول ما الشخص هيدوس على زرار النصوير الفلاش بينور , يقوم الجهاز “الصايع” ياخد باله من الفلاش و يروح عامل Projection لصورة مسبقة الاعداد , الصورة ديه هيتم اسقاطها على الكاميرا بتاعت الضحية في نفس اللحظة اللي الكاميرا بتلقط فيها الصورة , والنتيجة هتكون ان الضحية لما يشوف الصور اللي صورها يلاقي الصورة بتاعته و عليها الصورة اللي الاختراع ده عملها Projection

http://blog.wired.com/gadgets/2008/06/gun-camera-adds.html
http://blog.wired.com/gadgets/2008/06/exclusive-inter.html

قافلة لتبسيط علوم الدماغ

احتضنت مدينة الرباط المغربية أسبوعا تعريفيا يبسط علوم الدماغ لعامة الناس نظمته “جمعية العلوم والثقافة للجميع”. وينتقل الأسبوع بين عدة مدن مغربية بهدف توعية عامة الناس بأهمية علوم الدماغ وتعريفهم بهذا العضو وأعراض الأمراض التي يمكن أن تصيبه.

بقية الخبر هنا

الموضوع عجبني بصراحة , بس أخطأت و قريت تعليقات القراء على الموضوع!

في اجماع غريب على ان الحملة سخيفة!

ماشي الموضوع مش “قضية ضاغطة” في الوقت الحالي بس أنا دلوقتي لما آجي أنزل أكلم الناس عن مرض الدرن مثلا يطلعلي واحد يقلي الناس جعانة و حللي أزمة العيش , أقولو ايه؟

ماشي دي مشاكل مهمة فعلا , بس أنا أعمل ايه؟ نقعد في بيوتنا نعيط و خلاص لحد ما مشكلة العيش تتحل؟

ساذج!

هو الواحد هيفضل ساذج كده لحد امتى.

يا بشر الكدب خيبة والمنافقون في الدرك الأسفل , اه والله بجد!

……………………………

الـعـلم اتطور

وصل مصر مؤخرا الـ MP5! الاعلان بيقولك احذر التقليد

للي ميعرفش , الـ MP3 اختصار لـ Mpeg-1 Layer 3 وده نظام ضغط للبيانات الصوتية و بعد ظهور الـ Mp3 players بقى لفظ الـ Mp3 يطلق على الجهاز نفسه.

أما الـ MP4 فهو اختصار لـ MPEG-4 Part 14 وديه مش نظام ضغط بالمعنى المعروف , ممكن تقول انها نوع من الملفات اللي ممكن تحتوي داخلها بيانات صوت و صورة مضغوطة بأنظمة مختلفة , بيسموها Container format, معرفش أوي ايه علاقة تسمية جهاز الـ Mp4 بهذا الاسم و عندي شعور انها علميا مش سليمة , بس مش مشكلة..

أما بقى الـ MP5 فهو للأسف مش اختصاصي لأني مليش في الأسلحة , الصورة اللي تحت ديه هي للـ MP5

يعني بالعربي تسمية الجهاز تدل على غباء و غباوة و جهل الشركة المنتجة…

بيفكرني بالاعتقاد السائد عند كثير من الـ Gamers في مصر ان في حاجة اسمها GTA 7 و GTA 8 مع ان GTA 4 لسه هينزل في أبريل يمكن , كل اللي حصل ان في ناس بيعدلو في GTA 3 و ينزلوها على النت و انتشرت بقى ولما وصلت مصر شخص تطوع و سمى التعديلات ديه GTA 4 ,5,6,7,8 الخ…

المهم , احذر التقليد يا مواطن…

امتحان روند باطنة عامة MCQ

Water hammer?

النهاردة كان في دكتور بيتكلم عن موضوع الـ Water Hammer Pulse و قال ان في أحد الأساتذة بيحب يسئل في الموضوع ده و بعد كده يسأل يعني ايه Water hammer أصلا , حسب الكلام اللي سمعته النهاردة الـ Water hammer ديه لعبة روماني كانو بيدوها للأطفال أيام الرومان.

المهم بعد البحث على النت ملقتش أي ذكر للعبة ديه , بس اتضح (حسب مافهمت) ان الـ Water Hammer ديه “ظاهرة فيزيائية” بتحصل في المواسير “Pipes” لما يمشي جواها الميه بسرعة و يتم ايقاف جريان المياة بشكل مفاجيء “عن طريق صمام مثلا” أو شيء من هذا القبيل , لما جريان المياه بيوقف بتحصل الظاهرة ديه اللي من أهم نتياجها ان بيحصل خبط و اهتزاز جامد في الماسورة المسكينة دا غير زيادة الضغط جواها.

الموقع ده في فلاشه بتشرح الظاهرة.

(more…)

النت هيرخص يا جدعان …

نظام جديد لاشتراكات النت

خلاصة الموضوع ان عهد الـ Open bandwidth خلص , هيحسبونا على الجيجا زي ما فودافون بتحاسبك على الدقيقة, و مفيش خيارات أخرى , يعني مفيش خدمة “مفتوحة” غير الـ 2 Megabyte وديه حسب ما المقالة بتقول هتبقى للشركات بس, يعني ممكن يطلبو منك سجل تجاري مثلا عشان تشغل الـ 2MB اللي هي بـ 760 جنيه في الشهر ,اللي هي الخدمة الوحيدة المفتوحة, غير كده بقى أي شريحة تانية يا حلو هيحاسبوك على كل جيجا و اسمع دي بقى

(more…)

بلاش طب يا بشر

نتيجة الثانوية العامة طلعت امبارح “أظن الأزهرية نتيجتها طلعت من فترة فليلة برضه” , ربح فيها من ربح و خسر من خسر ده طبعا على اعتبار ان المجموع الكبير “مكسب” , عموما أنا قلت أقول “كلمتين” كده يعني لأي حد بيقرا الكلام ده.

بلاش طب بشري يا عالم
بلاش طب بشري يا عالم
بلاش طب بشري يا عالم

اذا كان حتما ولابد تدرس علوم طبية , عليك و على طب أسنان, دراسة خفيفة و بتنجز و بتطلع تشتغل بالبكاروليوس, طب بشري طريقها طويل بشكل مبالغ فيه , وفي الآخر محتاج على الأقل ماجيستير عشان يبقى عليك القيمة.

تحديث ( 2 سبتمبر 2007 ) : التدوينة ديه فيها المفيد فيما يخص كلية الطب

تاج من السيد الدكتور خالد أبو الفضل

أحب أشكر السيد الدكتور خالد أبو الفضل على البتاع اللي بعته, هحاول أجاوب عليه بأكبر قدر ممكن من التناكة,ﻷني مش مستلذ محتوياته

(more…)

كيف وصل أدولف هتلر الي السلطة “المطلقة”؟

دار بذهني منذ أيام هذا السؤال , اذ كيف نجح هذا الديكتاتور في الوصول الى السلطة المطلقة في بلد ديموقراطي واين كانت المعارضة و البرلمان من هذا كله , وكيف تخلص من المعارضين بالرغم من أنه لم يكن أكثر من رئيس الحزب النازي “Nationalsozialistische Deutsche Arbeiterpartei” ورئيسا للحكومة بدءا من يناير 1933 ولم يكن قائدا للجيش مثلا.

لكي يصل هتلر الى السلطة المطلقة كانت أمامه عدة عقبات, أحدها هو الحزب الشيوعي الذي كان يشكل القطاع الأكبر من المعارضة, ثانيها هو البرلمان الذي كان لابد للرجوع اليه قبل اتخاذ أي قرار.

لكي يتخلص من البرلمان بصورة “دستورية” كان لابد له من تمرير ما يعرف بالـ “Enabling act” وهو قانون يمنح الحكومة سلطة اتخاذ قرارت و تمرير قوانين دون الرجوع الي البرلمان, ولكن لتمرير هذا القانون كان لابد من الحصول على موافقة ثلثي أعضاء البرلمان الأمر الذي كان مستحيلا مع وجود الحزب الشيوعي, فكان لابد أولا من سحق الحزب الشيوعي.
(more…)