هتكلم عن فتوى ارضاع الكبير لرئيس قسم الحديث في بجامعة الأزهر.

تحديث 21 مايو 2007: الدكتور عزت عطية يعتذر عن فتواه

أنا لست فقيها ولا أمتلك شهادة تسمح لي بالإفتاء أو حتى التعليق على الفتاوى ولذلك سأتجنب التعليق على موضوع الفتوى ولكن لي تعليق على موضوع يتعلق بالفتاوي عموما.

حسب ما درست و قرأت “وهو ليس بالكثير” وجدت أن المفتي لابد أن يكون ذو فطنة و دقه في الملاحظة فلابد أن يراعي حالة الأجواء المحيطة بفتواه , فينظر في الزمان و المكان و حالة أهل البلد والشخص المستفتي و غيرها من العوامل اذ ربما تكون فتواه صحيحة و مستندة الى أدلة قوية و لكن نظرا للظروف المحيطة فهي لن تحقق الغرض المطلوب منها بل ربما تتسبب في ضرر شديد.
(more…)

كان عندي النهاردة امتحان طب شرعي, يبدو والله أعلم ان المادة دي مش بعبع في كليات الطب , لكن في الأزهر للأسف الوضع مختلف شوية, خلاصة القول , احنا اتنفخنا بحمد الله , أنا مش هتكلم على الامتحان لأن اللي حصل حصل والحمد لله على كل حال, بس هتكلم على موقف لذيذ اوي حصل النهاردة , كنت قاعد في اللجنة قبل ما ورق الاجابة و الأسئلة يتوزع , وبينما أن جالس اذا بالأخ مصطفى اللي قاعد جنبي في اللجنة بيسألني عن أمر ما فبصيتله و بسمعه , أوم ايه, الراجل رئيس القسم بتعنا شاف الواد مصطفى , ازاي و ازاي بقى , يعني المهم زعق فييا أنا و قاللي اسكت , المهم أنا مطيع سمعت الكلام و سكت , وهنا بقى الشاهد في هذه القصة , المفروض الموضوع خلص, لقيت الراجل رجعلي تاني و جي يقوللي

أنت ياللي مربي شعرك , انت فرحان بشعرك ده ولا ايه!

معرفش ايه اللي خلاه يظن ذلك .على العموم هي ديه نهاية القصة.

الفكرة في حاجة , ده امتحان written دلوقتي يعني جت سليمة ,يعني لو كان شفوي كان زماني شلت “الصفر الزراعي” .
مفيش حل “للعنصرية” بتاعة الشفوي ديه؟ يعني ده امتحان طبي , لسه كمان بقى لما نخش على امتحان القرآن , ممكن أنقصلي بتاع 20 درجة من الـ 50 عشان حوار الشعر.

عموما هو درجات الطب الشرعي للأسف حالتها متدهورة جدا فهضظر آسفا أحلق لأنه أضحى من الواضح أني “اتعلم عليا”.