Water hammer?

النهاردة كان في دكتور بيتكلم عن موضوع الـ Water Hammer Pulse و قال ان في أحد الأساتذة بيحب يسئل في الموضوع ده و بعد كده يسأل يعني ايه Water hammer أصلا , حسب الكلام اللي سمعته النهاردة الـ Water hammer ديه لعبة روماني كانو بيدوها للأطفال أيام الرومان.

المهم بعد البحث على النت ملقتش أي ذكر للعبة ديه , بس اتضح (حسب مافهمت) ان الـ Water Hammer ديه “ظاهرة فيزيائية” بتحصل في المواسير “Pipes” لما يمشي جواها الميه بسرعة و يتم ايقاف جريان المياة بشكل مفاجيء “عن طريق صمام مثلا” أو شيء من هذا القبيل , لما جريان المياه بيوقف بتحصل الظاهرة ديه اللي من أهم نتياجها ان بيحصل خبط و اهتزاز جامد في الماسورة المسكينة دا غير زيادة الضغط جواها.

الموقع ده في فلاشه بتشرح الظاهرة.

بالنسبة لعلاقة الكلام ده بما يعرف بـ Watson’s water hammer pulse فهي كما صاغها أهل الويكيبديا

Watson’s water hammer pulse is the medical sign which describes a pulse that is bounding and forceful, as if it were the hitting of a water hammer that was causing the pulse.

بيقولو “النبض بيبقى قوي وكأن الظاهرة ديه هي اللي المسئولة عنه”, يعني حتى اذا اعتبرنا ان في لعبة روماني فعلا وانها فعلا معتمدة على الخاصية الفيزيائية ديه فكده كده التسمية مجتش بناءا على اسم اللعبة , لأ ديه جت من اسم الظاهرة نفسها , هذا والله أعلم .

في كمان حاجة , أنا فاكر من كتر فرجتي على الأنيمي ان في حاجة في التراث الياباني ذات علاقة بالـ Water Hammer , ده فيديو فيه “الجهاز” ده

اسمه shishi odoshi و مش عارف اذا كان ليه علاقة بالظاهرة ديه ولا اسمه كده عشان بيشتغل بالمية و بيدق على الصخرة اللي تحته زي المطرقة.

على أي حال ديه كيفية بناء الـ Shishi Odoshi
اذا كان في حد مهتم بالموضوع يعني.

أرحب بأي تصحيح أو توضيح.

باجي أنا في الهايفة و اتصدر , خلاص فهمت كل حاجة في الطب و مفضلش غير ديه!

تحديث 10-12-2007 : قابلت سيرة اللعبة صدفة وانا بقلب في Ganong 20th edition Middle east , صفحة رقم 548 ومكتوب بالنص كده

A water hammer is an evacuated glass tube half-filled with water that was a popular toy in the 19th century, When held in the hand and inverted, it delivers a short, hard knock.