النت هيرخص يا جدعان …

نظام جديد لاشتراكات النت

خلاصة الموضوع ان عهد الـ Open bandwidth خلص , هيحسبونا على الجيجا زي ما فودافون بتحاسبك على الدقيقة, و مفيش خيارات أخرى , يعني مفيش خدمة “مفتوحة” غير الـ 2 Megabyte وديه حسب ما المقالة بتقول هتبقى للشركات بس, يعني ممكن يطلبو منك سجل تجاري مثلا عشان تشغل الـ 2MB اللي هي بـ 760 جنيه في الشهر ,اللي هي الخدمة الوحيدة المفتوحة, غير كده بقى أي شريحة تانية يا حلو هيحاسبوك على كل جيجا و اسمع دي بقى

وقال إن الزيادة عن هذا المعدل تحدث عند تحميل أفلام أو موسيقى أو أغاني ، وهو ما يستوجب دفع المقابل عن هذه الخدمة ، مشيرا إلى أن الهدف من الإنترنت هو إتاحة المعلومات والاستفادة منها وليس مجرد تحميل الأفلا

مفيش توزيعات لينكس الواحد تعملها 600mb أو أكتر؟ مجانية وقانونية 100% ؟ , مفيش YouTube? مفيش Skype? سعر استهلاك الباند ويدز بيقل في الدنيا كلها نظرا لزيادة الاستهلاك والتناقص في تكلفة نقل البيانات , بالظبط زي قيمة الجيجا بايت في الهارد ديسك أو الرام ,دي سنة الحياة في مجال زي ده, الناس دي في الطراوة , فكرين النت الهوتمل والام اس ان! ربنا يخدهم..

فكروني والله باللي بيحصل في أمريكا من استغلال شركات الاتصالات
عايزيين يلممو فلوس بأي طريقة و بأي شكل , الله يخرب بيت الرأسمالية.

المشكلة اني حاسس بالعجز , هنقعد نولول و نصوت وفي الآخر مفيش حاجه هنحصل , بلطجة في كل حاجه!